Tonggo tonggo

 

Habang hapor tiri

Songgop hapur ditangan

Malum pusok pusok

Dibahen hapur ditangan

 

Nigombarhon ma tu tiang

Nigurathon ma tu halapang

Mahiang i annon

Malum ma na ni ubatan

 

Rusur so diboto

Mapeut so dihilala

Sahit ni …..

Malum malum malum
———————————–

Ale Ompung Mula Jadi Nabolon

Gala galaku do gala galam
Hataku do hatam
………
Asa sibuk mangalap sibuk

Holi holi mangalap holi holi

Bisa mangalap bisa
aji ajian mangalap aji ajian

Dilindungi Tin tin Sipajadi jadi na hupatupa on

———————————

 

Ompung Raja Dalian Natolu

Ompung raja mula mula

Natolu suhu natolu harajaon

Nasian langit na pitu tindi

Sian ombun napitu lapis

Sahata saoloan hamu dohot Debata Mula Jadi Nabolon

Debata mula mula

Napande manuturi na malo mangajari

 

Ompung holan na patupahon do ahu

Anggo napajadihon dohot napamalumhon Hamu do
sai ubat ma on
jala pagar ni daging na mamangke Tin tin Sipajadi jadi na hupatupa on

——————–

 

 

 

Ale Ompung Mula jadi Nabolon

Manatap manonggor, mananginangi, marbinege

Jala marpanarihon ma Hamu ompung dina hasusahanku
Napogos do ahu diparadongan
Napogos do ahu diparbinotoan
Napogos do hami dihajolmaon dohot di uduran
Ro ma hamu da Ompung habonaran na dao
na toga mandongani ahu
Habonaran na jonok
Na oja mandongani ahu
Laho patupahon Tin tin Sipajadi jadi on
—————-
Hehe ma hamu da Ompung natolu
Natolu suhu na opat harajaon
Hehe ma hamu dibagasan rimas muna
Pagari, urupi, partintin Sipajadi jadion
Sian sude musu musuna
Na laho manoro hosa na

Gotap di tonga dalan ma sude tahi ni parjahat

Sursur sumurut ma hamu sude na mangulahon naso denggan

——————

 

Ale Ompung Mula Jadi Nabolon

Hodo namanjadihon ahu dohot Tin tin Sipajadi jadion
Marhite hite Ho do ahu patupahon on
Sulu sulu ma on di ari na holom

Tugo ditongan dalan

Tungkot di dalan na landit

Tula tula dijolo natau panorangan

 

Halal hilil, mana pasiding
Sursur sumurutma sude tahi ni parjahat

—————-